AGEZWEHO

  • Ambasaderi Rutabana yagaragaje uko u Rwanda rwaharaniye ubudaheranwa nyuma ya Jenoside – Soma inkuru...
  • Ni igikorwa kigayitse ku Bufaransa- Amb. Anfré avuga ku bakozi babo bishwe muri Jenoside – Soma inkuru...

Abadepite bagaragarije MINICOM uburyo nta nyigo zikorwa mbere yo gushyiraho ibyanya by’inganda

Yanditswe Feb, 20 2024 18:27 PM | 235,651 Views



Minisitiri w’Ubucuruzi n’Inganda, Dr Ngabitsinze Jean Chrysostome yavuze ko inganda Leta ifitemo imigabane zirimo kuvugururwa no kongerwamo ibikoresho bihagije kugira ngo zegurirwe abikorera kandi zishobore gutanga umusaruro ufatika. 

Zimwe muri izi nganda ni urukora ikigage rwa Kamonyi, urwenga urwagwa i Rwamagana, urukora ifiriti rwa Nyabihu n’izindi. 

Ni nyuma y’uko Abadepite bagaragaje ko inganda nyinshi Leta ifitemo imigabane zidatanga umusaruro uko bikwiye kuko nk’uruganda rw’urwagwa rwa Rwamagana rwenga inshuro 2 mu cyumweru gusa.

Iki ni kimwe mu bibazo byatumye Minisitiri w’Ubucuruzi n’Inganda atumizwa mu Nteko rusange y’umutwe w’Abadepite ngo atange ibisobanuro mu magambo anagaragaze icyo guverinoma ikora ngo bikemuke.

Hari ibibazo byabonywe n’Abadepite birimo kuba nta nyigo zikorwa mbere yo gushyiraho ibyanya by’inganda hirya no hino mu Turere, kudakora inyigo ku iyangirika ry’ibidukikije, gutinda gutanga ibyangombwa kuri ba rwiyemezamirimo bashaka gukorera mu nganda bigatuma n’ibikorwa byabo bidindira.

Hari kandi ikibazo cy’ibyanya by’inganda bidafite ibikorwaremezo nk’amashanyarazi, imihanda, amazi n’ibindi. 

Mu bisobanuro byatanzwe na Minisitiri w’Ubucuruzi n’Inganda bigaruka cyane ku mavugururwa ya politiki y’inganda yamaze gukorwa aho iyi politiki igiye guhuzwa na gahunda y’igihugu yo kwihutisha iterambere icyiciro cya 2 (NST2) cyane ko icyiciro cya 1 kirimo kugana ku musozo.




Ba uwambere gutanga igitekerezo

Tanga igitekerezo:



RSS FEED

U Rwanda na Georgia byemeranyije ubufatanye mu bya politiki na diplomasi

Hashyizweho uburyo bwo kwireba no kwiyimura kuri lisiti y’itora hakoreshej

FERWAFA yanyuzwe n'umusaruro w'Amavubi mu mezi ane ashize

RHA yahumurije abubakishije amakaro yo mu bwogero ku nkuta z’inzu z’

Gakenke: Imirimo yo kubaka Umudugudu w’Icyitegererezo uzatuzwamo abahoze m

Karongi: Inzobere z’abaganga ba RDF zatangiye kuvura abaturage ku buntu

Abamotari batakambye ku biciro by’ubwishingizi birushaho gutumbagira

Rubavu: Abarokotse Jenoside baravuga ko ubuvuzi bahawe na Leta bwatumye bagarura