AGEZWEHO

  • Ambasaderi Rutabana yagaragaje uko u Rwanda rwaharaniye ubudaheranwa nyuma ya Jenoside – Soma inkuru...
  • Ni igikorwa kigayitse ku Bufaransa- Amb. Anfré avuga ku bakozi babo bishwe muri Jenoside – Soma inkuru...

Abahanzi basaga 200 bategerejwe i Kigali mu Iserukiramuco ‘Kigali Triennial’

Yanditswe Feb, 12 2024 17:52 PM | 99,070 Views



Abahanzi barenga 200 baturutse mu bihugu 25 bategerejwe i Kigali mu Iserukiramuco Mpuzamahanga rya ‘Kigali Triennial’, rizarangwa n’ibitaramo birenga 60 by'imbyino, indirimbo, kumurika imideli, ikinamico, sinema, ubwanditsi n’ibindi.

Byatangarijwe mu kiganiro abayobozi b’Umujyi wa Kigali, abategura iri serukiramuco n’aba Minisiteri y’Urubyiruko n’Iterambere ry’Ubuhanzi bagiranye n’itangazamakuru ku wa Mbere, tariki ya 12 Gashyantare 2024.

“Kigali Triennial” igiye kubera ku butaka bw’u Rwanda ku nshuro ya mbere, iteganyijwe ku wa 16-25 Gashyantare 2024.

Minisiteri y’Urubyiruko n’Iterambere ry’Ubuhanzi yerekana ko iri serukiramuco ari umwanya mwiza wo guteza mbere ubuhanzi n'umuco no gukomeza umubano n'ubucuti hagati y'ibihugu bizaryitabira.

Umunyarwandakazi akaba n'Umufaransakazi Sonia Rolland ufite ikamba rya Nyampinga w’u Bufaransa mu 2000 ni umwe mu bahanzi barenga 200 bo mu bihugu 25 byo hirya no hino ku Isi bazitabira "Kigali Triennial''.

Umuyobozi w’Ubuhanzi wa “Kigali Triennial’’, Dorcy Rugamba, yavuze ko iri serukiramuco rizarangwa n’ibitaramo birenga 60 birimo imbyino n’indirimbo by’abahanzi, kumurika imideli, ikinamico, sinema, ubwanditsi n’ibindi.

Umujyi wa Kigali witeguye neza kwakira iri serukiramuco no kwakirana ubwuzu abazaryitabira.

Umuyobozi w’Umujyi wa Kigali, Dusengiyumva Samuel, yavuze ko Umujyi wa Kigali utewe ishema no kwakira “Kigali Triennial”nk’igikorwa kizafasha guteza imbere ubuhanzi n’umuco.

Umunyamabanga wa Leta muri Ministeri y’Urubyiruko n’Iterambere ry’Ubuhanzi, Sandrine Umutoni, yavuze ko Leta y’u Rwanda izi agaciro  k’ubuhanzi mu iterambere ry’urubyiruko ari na yo mpamvu ishyigikira ibikorwa by’ubuhanzi nka “Kigali Triennial”.

Mu bazıtabira iri serukiramuco harimo abakora filime nka Sonia Rolland ndetse n’abahanzi bo mu Rwanda barimo Alyn Sano, Kivumbi n’abandi.

Abateguye ibi bitaramo bavuga ko bimwe muri byo bizishyuzwa mu gihe ibindi kubyinjiramo ari ubuntu. Biteganyijwe ko iri serukiramuco rizajya riba inshuro imwe mu myaka itatu.



Umutoni Carine




Ba uwambere gutanga igitekerezo

Tanga igitekerezo:



RSS FEED

U Rwanda na Georgia byemeranyije ubufatanye mu bya politiki na diplomasi

Hashyizweho uburyo bwo kwireba no kwiyimura kuri lisiti y’itora hakoreshej

FERWAFA yanyuzwe n'umusaruro w'Amavubi mu mezi ane ashize

RHA yahumurije abubakishije amakaro yo mu bwogero ku nkuta z’inzu z’

Gakenke: Imirimo yo kubaka Umudugudu w’Icyitegererezo uzatuzwamo abahoze m

Karongi: Inzobere z’abaganga ba RDF zatangiye kuvura abaturage ku buntu

Abamotari batakambye ku biciro by’ubwishingizi birushaho gutumbagira

Rubavu: Abarokotse Jenoside baravuga ko ubuvuzi bahawe na Leta bwatumye bagarura