AGEZWEHO

  • Ambasaderi Rutabana yagaragaje uko u Rwanda rwaharaniye ubudaheranwa nyuma ya Jenoside – Soma inkuru...
  • Ni igikorwa kigayitse ku Bufaransa- Amb. Anfré avuga ku bakozi babo bishwe muri Jenoside – Soma inkuru...

Amerika yashyizeho ibihano 500 ku Burusiya

Yanditswe Feb, 23 2024 18:52 PM | 217,190 Views



Leta Zunze Ubumwe za Amerika zatangaje ko zigiye gufatira u Burusiya ibihano birenga 500 bishya kubera intambara bwashoje muri Ukraine ndetse n'uruhare bukekwaho mu rupfu rwa Alexei Navalny, utaravugaga rumwe n'ubutegetsi, waguye muri gereza.

Perezida wa Amerika, Joe Biden yavuze ko ibihano bireba abantu ba hafi ya Perezida Vladimir Putin n’abafite aho bahuriye n’ifungwa rya Navalny waguye muri gereza, apfuye urupfu rutunguranye ku wa 16 Gashyantare 2024.

Ibihano byafashwe bijyanye no gushyiraho ingamba zikumira Abarusiya mu bijyanye no kwishyurana no gukumira abayobozi mu by’ubukungu n’igisirikare.

BBC yanditse ko Umuryango w’Ubumwe bw’u Burayi, EU, watangiye ibihano bishya bizitira u Burusiya kugera ku ikoranabuhanga ryifashishwa n’igisirikare.

Perezida Joe Biden ku wa Kane yahuye n’umugore ndetse n’umukobwa wa Alexei Navalny i San Francisco, aho yashimangiye ko urupfu rwa nyakwigendera rukwiye kugerekwa kuri Putin uyobora u Burusiya.

Kugeza ubu ntiharamenyekana ingaruka ibi bihano bizagira ku bukungu bw’u Burusiya.

Ibihano bishya byafashwe na Amerika kandi bizitira ibigo 100 n’abantu ku giti cyabo kohereza ibicuruzwa mu mahanga byisanzuye.

EU imaze guhana abantu barenga 2000 bakekwaho uruhare mu gucuruza intwaro no gushimuta abana b’Abanya-Ukraine kuva intambara y’u Burusiya na Ukraine itangiye ku wa 24 Gashyantare 2022.

Mu gusubiza, u Burusiya na bwo bwakomeje kongera umubare w’abadipolomate n’abanyepolitiki ba EU babujijwe kwinjira muri iki gihugu.




Ba uwambere gutanga igitekerezo

Tanga igitekerezo:



RSS FEED

U Rwanda na Georgia byemeranyije ubufatanye mu bya politiki na diplomasi

Hashyizweho uburyo bwo kwireba no kwiyimura kuri lisiti y’itora hakoreshej

FERWAFA yanyuzwe n'umusaruro w'Amavubi mu mezi ane ashize

RHA yahumurije abubakishije amakaro yo mu bwogero ku nkuta z’inzu z’

Gakenke: Imirimo yo kubaka Umudugudu w’Icyitegererezo uzatuzwamo abahoze m

Karongi: Inzobere z’abaganga ba RDF zatangiye kuvura abaturage ku buntu

Abamotari batakambye ku biciro by’ubwishingizi birushaho gutumbagira

Rubavu: Abarokotse Jenoside baravuga ko ubuvuzi bahawe na Leta bwatumye bagarura