AGEZWEHO

  • Ambasaderi Rutabana yagaragaje uko u Rwanda rwaharaniye ubudaheranwa nyuma ya Jenoside – Soma inkuru...
  • Ni igikorwa kigayitse ku Bufaransa- Amb. Anfré avuga ku bakozi babo bishwe muri Jenoside – Soma inkuru...

Burera: Ubuhamya bwa mwarimu Uwamahoro ufite ubumuga bwo kutabona wigisha mu mashuri yisumbuye

Yanditswe Mar, 02 2024 17:20 PM | 167,210 Views



Mu Karere ka Burera hari umwarimu witwa Uwamahoro Gloria ufite ubumuga bwo kutabona aho yigisha isomo ry’indimi mu Ishuri ryisumbuye rya Kirambo, abanyeshuri yigisha bakaba bashimangira ko bakunda isomo rye kandi baryumva neza nta mbogamizi na nke bamufiteho.

Uwamahoro w’imyaka 30, ni umwarimu w’isomo ry’Ikinyarwanda n’Icyongereza mu Ishuri ryisumbuye rya Kirambo. Avuga ko yagize ubumuga bwo kutabona afite imyaka itatu, ajyanwa kwiga mu kigo cyakira kikanita ku bana bafite ubumuga, HVP Gatagara.

Yize neza, ubu afite impamyabumenyi y’icyiciro cya Kabiri cya Kaminuza mu burezi, yakuye muri Kaminuza y’u Rwanda.
Ubu amaze umwaka atangiye umwuga w’uburezi.

Ku rundi ruhande ariko, mwarimu Uwamahoro avuga ko akirangiza kwiga yagize impungenge z’ukuntu azigisha abanyeshuri badafite ubumuga, ndetse ubwo yatangiraga umwuga mu rwunge rw’Amashuri rwa Muramba mu Karere ka Gakenke ngo byabanje kumugora.

Abanyeshuri bigishwa na Uwamahoro  bashimangira ko bakunda isomo rye, kandi ngo baryumva neza nta mbogamizi na nke bamufiteho.

Bamwe mu bana bafite ubumuga biga mu Ishuri ryisumbuye rya Kirambo bavuga ko Mwarimu Uwamahoro yabubatsemo icyizere cyo gukabya inzozi zabo.

Umuyobozi w'Ishuri ryisumbuye rya Kirambo, Ndababonye Fulgence afatiye ku rugero rwa Uwamahoro Gloria, ashimangira ko izi ari imbuto z'uburezi budaheza bwimakajwe na Leta y'u Rwanda.

Mwarimu Uwamahoro Gloria ashima cyane leta y'u Rwanda ku ngamba zitandukanye zo kuvana mu bwigunge abantu bafite ubumuga no kubateza imbere, agakangurira umuryango nyarwanda kubashyigikira birushijeho kuko bashoboye.

Cyokora mu Ishuri ryisumbuye rya Kirambo nta bikorwaremezo byorohereza abantu bafite ubumuga. Kuva
Kuva mu cyumba cy’ishuri ajya mu kindi, bisaba umuntu umurandata.
Mwarimu Uwamahoro Gloria avuka mu Murenge wa Cyanika muri Burera, aho ahagarariye inama y’Igihugu y’abantu bafite ubumuga akaba na visi perezida wa Gikuriro muri uwo Murenge.


Mbarushimana Pio



Ba uwambere gutanga igitekerezo

Tanga igitekerezo:



RSS FEED

U Rwanda na Georgia byemeranyije ubufatanye mu bya politiki na diplomasi

Hashyizweho uburyo bwo kwireba no kwiyimura kuri lisiti y’itora hakoreshej

FERWAFA yanyuzwe n'umusaruro w'Amavubi mu mezi ane ashize

RHA yahumurije abubakishije amakaro yo mu bwogero ku nkuta z’inzu z’

Gakenke: Imirimo yo kubaka Umudugudu w’Icyitegererezo uzatuzwamo abahoze m

Karongi: Inzobere z’abaganga ba RDF zatangiye kuvura abaturage ku buntu

Abamotari batakambye ku biciro by’ubwishingizi birushaho gutumbagira

Rubavu: Abarokotse Jenoside baravuga ko ubuvuzi bahawe na Leta bwatumye bagarura