AGEZWEHO

  • Ambasaderi Rutabana yagaragaje uko u Rwanda rwaharaniye ubudaheranwa nyuma ya Jenoside – Soma inkuru...
  • Ni igikorwa kigayitse ku Bufaransa- Amb. Anfré avuga ku bakozi babo bishwe muri Jenoside – Soma inkuru...

Ihuriro ry'Abadepite bo muri ICGLR basabye ko hashakwa umuzi w'ikibazo kiri muri RDC

Yanditswe Feb, 26 2024 19:44 PM | 105,049 Views



Ihuriro ry'Abadepite bagize Umuryango w'Ibihugu bibarizwa mu muryango wa ICGLR ariyo nama mpuzamahanga ku Karere k'Ibiyaga bigari, rirasaba amahanga gusuzumana ubushishozi umuzi w'ikibazo cy'umutekano muke mu Burasirazuba bwa Repubulika Iharanira Demokarasi ya Kongo.

Jema Nunu Kumba Perezida w'iri huriro yemeza ko kugeza ubu umuryango mpuzamahanga ndetse n'Akarere bitigeze bisuzumana ubushishozi umuzi nyawo w'iki kibazo.

Hashize imyaka ikabakaba 30 u Burasirazuba bwa Repubulika Iharanira Demokarasi ya Kongo harangwa umutekano muke wibasira abaturage bakoresha ikinyarwanda cyane cyane abo mu bwoko bw'Abatutsi, ibintu byarushijeho kuba bibi mu myaka 3 ishize, ubwo huburaga intambara hagati y'umutwe wa M23 n'ingabo za leta FARDC zifatanyije n'imitwe yitwaje intwaro harimo n'umutwe w'iterabwoba wa FDLR.

Jemmu Nunu Kumba Perezida w'itsinda ry'Abadepite bo mu Nteko zishinga amategeko mu bihugu binyamuryango mu nama mpuzamahanga mu Karere k'ibiyaga bigari rishinzwe gusuzuma umuzi w'ikibazo cy'umutekano muke mu Burasirazuba bwa Repubulika Iharanira Demokarasi ya Kongo, asanga Leta y'iki gihugu yirengagiza nkana umuzi w'ikibazo cy'umutekano muri ako gace ndetse utaretse umuryango mpuzamahanga.

"Umuryango mpuzamahanga ndetse n'Akarere ntibyigeze bisuzumana ubushishozi umuzi nyawo w'iki kibazo, aha ari naho rero dushaka guhera kuko niba ushaka kubungabunga amahoro n'umutekano muri Repubulika Iharanira Demokarasi ya Kongo ugomba kubanza kureba umuzi w'ikibazo cyawo, by'umwihariko harebwa ku bikorwa by'urugomo bikorerwa abaturage bo mu Burasirazuba bwa Kongo, bikaba biri mu by'ingenzi bikwiye gukemurwa ndetse no kwemera abaturage babo ubwabo."

Perezida wa Sena y'u Rwanda, Dr. Kalinda Francois Xavier mu biganiro bagiranye n'iri tsinda, barigaragarije impugenge ziri mu mikoranire yeruye ya Guverinoma ya Kinshasa ndetse n'umutwe w'iterabwoba wa FDLR nka kimwe mu birimo kugira uruhare runini mu ihungabanwa ry'umutekano mu Karere k'ibiyaga bigari.

Perezida w'iri tsinda, Jemmu Nunu Kumba na we yemeje ko iki ari kimwe mu bibazo bikwiye gusuzumanwa ubushishozi n'iri tsinda ndetse cyikanashakirwa umuti.

Iri tsinda ry'iri huriro ry'abagize Inteko nshinga mategeko mu muryango w'Akarere k'ibiyaga bigari ryari rihagarariwe n'ibihugu birimo u Rwanda, Kenya , Sudani y'Epfo, Angola ndetse na Zambia.


Adams Kwizera



Ba uwambere gutanga igitekerezo

Tanga igitekerezo:



RSS FEED

U Rwanda na Georgia byemeranyije ubufatanye mu bya politiki na diplomasi

Hashyizweho uburyo bwo kwireba no kwiyimura kuri lisiti y’itora hakoreshej

FERWAFA yanyuzwe n'umusaruro w'Amavubi mu mezi ane ashize

RHA yahumurije abubakishije amakaro yo mu bwogero ku nkuta z’inzu z’

Gakenke: Imirimo yo kubaka Umudugudu w’Icyitegererezo uzatuzwamo abahoze m

Karongi: Inzobere z’abaganga ba RDF zatangiye kuvura abaturage ku buntu

Abamotari batakambye ku biciro by’ubwishingizi birushaho gutumbagira

Rubavu: Abarokotse Jenoside baravuga ko ubuvuzi bahawe na Leta bwatumye bagarura