AGEZWEHO

  • Ambasaderi Rutabana yagaragaje uko u Rwanda rwaharaniye ubudaheranwa nyuma ya Jenoside – Soma inkuru...
  • Ni igikorwa kigayitse ku Bufaransa- Amb. Anfré avuga ku bakozi babo bishwe muri Jenoside – Soma inkuru...

Inyungu iri mu kwifashisha drones mu kohereza ibicuruzwa ku mahoteli

Yanditswe Mar, 01 2024 12:58 PM | 100,720 Views



Ibigo birindwi bikora ibintu bitandukanye mu Rwanda ni byo byatangiriweho mu gukwirakwiza ibyo bikora mu mahoteli hifashishijwe indege zitagira abapilote zizwi nka drones.

Abatunganya n'abacuruza ibintu bitandukanye bikorerwa mu Rwanda bagaragaje ko koherereza ba mukerarugendo ibicuruzwa hifashishijwe drones bizongera umubare w'abakiliya ubusanzwe batajyaga babasha kugera aho bacururiza.

Ni uburyo bushya bwo kohereza ibicuruzwa bikorerwa mu Rwanda hifashishijwe drones, aho umukiliya ukeneye ibicuruzwa runaka cyane cyane abari mu mahoteli ari kure bashobora kubigezwaho.

Umuyobozi wa Zipline mu Rwanda, Pierre Kayitana, yavuze ko nyuma yo gutanga serivisi zifitanye isano n'ubuzima ndetse n'iz'ubuhinzi ngo ari ngombwa no gutanga iz'ubukerarugendo.

Bimwe mu bikorerwa mu Rwanda bikunze kwifuzwa na ba mukerarugendo birimo imitako n'imirimbo inyuranye, imyambaro, impano z'urwibutso n'ibindi.

Ibigo birindwi bikora bikanagurisha bene ibi bicuruzwa ni byo ku ikubitiro byatoranyijwe aho bizajya bishyikiriza Zipline ibicuruzwa, na yo ibyohereze umukiliya bitewe n'aho aherereye.

Abacuruza ibikorerwa mu Rwanda bashimangira ko iri ari irindi soko bungutse, kandi ari uburyo bwo kumenyekanisha ibikorerwa mu Rwanda ku ruhando mpuzamahanga.

Igiciro cy'igicuruzwa runaka n'amafaranga y'urugendo byose bizaba bikubiye hamwe. Ubuyobozi bwa Zipline bushimangira ko iyi ari intangiriro yo kwegereza abakiliya serivisi mu ngo zabo kuko nabyo bizatangira umwaka utaha.

Zipline yatangiye mu Rwanda mu mwaka wa 2016 ikwirakwiza imiti n'amaraso ndetse n'intanga z'amatungo hirya no hino mu gihugu ikaba imaze kugera mu bihugu birindwi ku Isi.

Jean Claude Mutuyeyezu




Ba uwambere gutanga igitekerezo

Tanga igitekerezo:



RSS FEED

U Rwanda na Georgia byemeranyije ubufatanye mu bya politiki na diplomasi

Hashyizweho uburyo bwo kwireba no kwiyimura kuri lisiti y’itora hakoreshej

FERWAFA yanyuzwe n'umusaruro w'Amavubi mu mezi ane ashize

RHA yahumurije abubakishije amakaro yo mu bwogero ku nkuta z’inzu z’

Gakenke: Imirimo yo kubaka Umudugudu w’Icyitegererezo uzatuzwamo abahoze m

Karongi: Inzobere z’abaganga ba RDF zatangiye kuvura abaturage ku buntu

Abamotari batakambye ku biciro by’ubwishingizi birushaho gutumbagira

Rubavu: Abarokotse Jenoside baravuga ko ubuvuzi bahawe na Leta bwatumye bagarura