AGEZWEHO

  • Ambasaderi Rutabana yagaragaje uko u Rwanda rwaharaniye ubudaheranwa nyuma ya Jenoside – Soma inkuru...
  • Ni igikorwa kigayitse ku Bufaransa- Amb. Anfré avuga ku bakozi babo bishwe muri Jenoside – Soma inkuru...

Karongi: Havutse umwuka mubi hagati ya koperative KATECOGRO n’umushoramari bakorana

Yanditswe Feb, 28 2024 18:26 PM | 152,092 Views



Ubuyobozi bwa koperative KATECOGRO y’abahinzi b’icyayi bo mu Karere ka Karongi n’ubuyobozi bw’uruganda rwa Karongi Tea Company, baratangaza ko bitarenze ukwezi kwa 3 uyu mwaka bazaba babonye umuti w’ikibazo izi mpande zombi zifitanye kuva mu myaka irenga 2 ishize.
iki kibazo cyakuruye umwuka mubi hagati y’izi mpande.

Ikibazo izi mpande zifitanye gishingiye ku mafaranga y’inguzanyo umushoramari witwa Mutangana Jean Baptiste akaba na nyiri uruganda rw’icyayi rwa Karongi, yahaye nk’inguzanyo bamwe mu bahinzi b’icyayi bo muri koperative yitwa KATECOGRO kugira ngo bite ku cyayi cyabo kandi banagure ubuso ariko nicyera umusaruro wabo bazajye bawuha uru ruganda utanyujijwe muri koperative ndetse nta n’urundi ruhare iyi koperative ibigizemo.
Ni ibintu umuyobozi wa KATECOGRO Frodouard Ndihokubwimana agaragaza ko bizagira ingaruka 
mbi kuri koperative nibiramuka bikomeje.

Ku ruhande rw’abahinzi, bavuga ko ibyo uyu mushoramari yifuza gukorana n’abahinzi akwiye kubinyuza muri koperative yabo KATECOGRO.

Ni ikibazo kimaze imyaka irenga ibiri gihanganishije koperative n’uyu mushoramari ku buryo ngo cyanateye umwuka mubi hagati y’impande zombi. Cyongeye kugarukwaho mu nama yabaye kuri uyu wa Gatatu yigaga ku buhinzi bw’icyayi mu Karere ka Karongi.
Nyuma yo kukiganiraho mu muhezo, umuyobozi w’uruganda Karongi Tea Factory Mutangana Patrick n’umuyobozi wa koperative KATECOGRO bemeje ko bitarenze ukwezi kwa Gatatu  bazaba bakemuye iki kibazo bagakura abahinzi mu rujijo.

Yaba ku ruhande rw’ubuyobozi bw’Akarere ka Karongi yaba no ku ruhande rw’ikigo cy’igihugu gishinzwe iyoherezwa mu mahanga ry’ibikomoka ku buhinzi n’ubworozi, NAEB kitabajwe kenshi mu gushakira umuti iki kibazo, nta n’umwe wigeze yifuza kugira icyo atangaza ku mikemukire y’iki kibazo.
Nta ngano y’amafaranga umushoramari amaze guha abahinzi yatangajwe, gusa KATECOGRO igaragaza ko ari menshi.

Aphrodis MUHIRE



Ba uwambere gutanga igitekerezo

Tanga igitekerezo:



RSS FEED

U Rwanda na Georgia byemeranyije ubufatanye mu bya politiki na diplomasi

Hashyizweho uburyo bwo kwireba no kwiyimura kuri lisiti y’itora hakoreshej

FERWAFA yanyuzwe n'umusaruro w'Amavubi mu mezi ane ashize

RHA yahumurije abubakishije amakaro yo mu bwogero ku nkuta z’inzu z’

Gakenke: Imirimo yo kubaka Umudugudu w’Icyitegererezo uzatuzwamo abahoze m

Karongi: Inzobere z’abaganga ba RDF zatangiye kuvura abaturage ku buntu

Abamotari batakambye ku biciro by’ubwishingizi birushaho gutumbagira

Rubavu: Abarokotse Jenoside baravuga ko ubuvuzi bahawe na Leta bwatumye bagarura