AGEZWEHO

  • Ambasaderi Rutabana yagaragaje uko u Rwanda rwaharaniye ubudaheranwa nyuma ya Jenoside – Soma inkuru...
  • Ni igikorwa kigayitse ku Bufaransa- Amb. Anfré avuga ku bakozi babo bishwe muri Jenoside – Soma inkuru...

Kuva kuri 1% kugeza ku 76%: Ibyaranze imyaka 30 mu kugeza amashanyarazi ku baturarwanda

Yanditswe Mar, 03 2024 16:39 PM | 75,429 Views



Minisiteri y’Ibikorwaremezo igaragaza ko mu 1994, Abanyarwanda bari bafite amashanyarazi bari 1% ariko mu 2009 bari bageze ku 10% ni mu gihe imibare iheruka igaragaza ko ingo zimaze kubona amashanyarazi zigera kuri 76%.

Sosiyete y’u Rwanda Ishinzwe Ingufu, REG igaragaza ko kugeza muri Mutarama 2024, ingo zingana na 21% by’abafite amashanyarazi zikoresha akomoka ku mirasire y’izuba, mu gihe 55% bakoresha akomoka ku muyoboro mugari.

Ubwo yari mu kiganiro Kubaza Bitera Kumenya cyo kuri iki Cyumweru, Umuyobozi Mukuru w’Ikigo gishinzwe gukwirakwiza amashanyarazi, EDCL, Gakuba Félix, yavuze ko hari icyizere cy'uko Abanyarwanda bose bazagerwaho n'Mamashanyarazi vuba.

Yagize ati “Ubu nta karere na kamwe, nta murenge n’umwe, nta mudugudu n’umwe udafitiwe gahunda mu bijyanye no kugezwaho amashanyarazi.”

Yakomeje agira ati “Hari imirimo myinshi irimo gukorwa uyu munsi ndetse mu myaka nk’itatu ishize Leta yaduhaye miliyari 1.2$ kugira ngo tugeze amashanyarazi ku Banyarwanda, ibizaduha ibihumbi 900 by’ingo biziyongera ku zo dusanzwe dufite kugira ngo abantu babone amashanyarazi.”

Umuyobozi Mukuru w’Agateganyo ushinzwe Ingufu muri MININFRA, Jean Bosco Mugiraneza yatangaje ko mu bihe biri imbere hari amasezerano azasinywa hagati ya Guverinoma y’u Rwanda na Banki y’Isi ndetse na Banki ya Aziya y’Ishoramari angana na miliyoni 400$, azafasha mu kugeza amashanyarazi ku bandi baturage basigaye.

Amashanyarazi Abanyarwanda bacana ava he?

Kugeza mu 1994, igihugu cyari gifite umuriro w’amashanyarazi ungana na megawatt 36, amakusanyirizo y’amashanyarazi yari 13. 

Kuri ubu ibyakozwe bishingiye mu kubaka imiyoboro ishobora kugeza amashanyarazi ku baturage, imiyoboro yikubye inshuro eshatu ugereranyije n’iyari ihari mu 1994. 

Hubatswe kandi inganda zitunganya amashanyarazi n’ibindi bigenda bikorwa mu kugeza amashanyarazi ku baturage.

Kuri ubu, u Rwanda rufite amashanyarazi akomoka ku mazi, hari Ikiyaga cya Kivu kirimo Gaz Méthane, hakaba Nyiramugengeri yo muri Gisagara na Rusizi zibyazwamo amashanyarazi. 

Gakuba ati “Ni izo nganda z’ubwoko butatu, nyiramugengeri, amazi ndetse na gaz. Ariko tugira n’izindi nganda nto zitanga amashanyarazi zikoresheje ibikomoka kuri peteroli.”

Yavuze ko amashanyarazi yose ahurizwa mu murongo mugari noneho hagakurikiraho igikorwa cyo kuyatanga mu baturage cyangwa ahandi akenewe nko mu nganda.

Ku rundi ruhande ariko, hari inganda zitanga amashanyarazi u Rwanda ruba ruhuriyeho n’ibindi bihugu nk’ava kuri Rusizi ya Mbere muri RDC, ayo kuri Rusizi ya Kabiri ahuriweho n’u Burundi na RDC ndetse hakaba n’amashanyarazi ava ku ruhande rwa Tanzania ndetse na Uganda.

REG igaragaza ko u Rwanda rutunganya amashanyarazi agera kuri megawatt 383.4 zivuye kuri 276 mu 2022. Ni mu gihe mu 1994, igihugu cyatunganyaga megawatt 36.

Jean de Dieu Akayezu



Ba uwambere gutanga igitekerezo

Tanga igitekerezo:



RSS FEED

U Rwanda na Georgia byemeranyije ubufatanye mu bya politiki na diplomasi

Hashyizweho uburyo bwo kwireba no kwiyimura kuri lisiti y’itora hakoreshej

FERWAFA yanyuzwe n'umusaruro w'Amavubi mu mezi ane ashize

RHA yahumurije abubakishije amakaro yo mu bwogero ku nkuta z’inzu z’

Gakenke: Imirimo yo kubaka Umudugudu w’Icyitegererezo uzatuzwamo abahoze m

Karongi: Inzobere z’abaganga ba RDF zatangiye kuvura abaturage ku buntu

Abamotari batakambye ku biciro by’ubwishingizi birushaho gutumbagira

Rubavu: Abarokotse Jenoside baravuga ko ubuvuzi bahawe na Leta bwatumye bagarura