AGEZWEHO

  • Ambasaderi Rutabana yagaragaje uko u Rwanda rwaharaniye ubudaheranwa nyuma ya Jenoside – Soma inkuru...
  • Ni igikorwa kigayitse ku Bufaransa- Amb. Anfré avuga ku bakozi babo bishwe muri Jenoside – Soma inkuru...

Minisitiri Prof. Bayisenge yasuye urubyiruko rw'i Huye, aruha umukoro wo kwihangira imirimo

Yanditswe Mar, 01 2024 14:12 PM | 107,289 Views



Minisitiri w’Abakozi ba Leta n’Umurimo, Prof. Bayisenge Jeannette, yasabye urubyiruko kwigira kuri bagenzi barwo babashije kwihangira imirimo, na bo bakabyaza amahirwe Leta ibashyiriraho atuma bashakira ibisubizo ibibazo Abanyarwanda bafite.

Yabigarutseho ubwo yasuraga urubyiruko rwo mu Karere ka Huye rwihangiye umurimo n’urundi ruri kwihugura kugira ngo rugane ku isoko ry’umurimo.

Ikigo gito gitunganya Ifumbire, Green Care Rwanda Ltd, ni kimwe mu bikorwa by’urubyiruko, byasuwe. Cyatangijwe hagamijwe gutunganya imyanda iva hirya no hino mu Karere ka Huye, ikabyazwamo ifumbire ikoreshwa mu buhinzi.

Ni igitekerezo cy’abasore bane cyavutse ubwo bigaga ibijyanye n’Ubuhinzi muri kaminuza mu mwaka wa 2015. Kuri ubu iki kigo gifite abakozi 25 bahoraho.

Umuyobozi wa Green Care Rwanda, Ruzindana Christian, avuga ko gutunganya ifumbire bisubiza ibibazo bibiri birimo icyo kwihangira umurimo nk’abantu bari barangije amasomo yabo no gukemura ikibazo cy’ifumbire y’imborera mu buhinzi nk’abantu bize ibijyanye n’ubuhinzi.

Kubyaza ibyari imyanda mo ifumbire, byatanze akazi, haba no ku barangije kaminuza nka Kanamugire Munezero Datty, ushinzwe Umutungo n’Abakozi muri Green Care Rwanda.

Minisitiri w’Abakozi ba Leta n’Umurimo, Prof. Bayisenge Jeannette, yasuye Ikigo cy’Akarere ka Huye gifasha urubyiruko gutegura imishinga hagamijwe kwihangira imirimo, Huye Employment Service Center.

Yasabye urubyiruko kwitinyuka rukabyaza umusaruro amahirwe Leta yashyizeho, narwo rugashakira ibisubizo ibibazo Abanyarwanda bafite.

Gahunda ya Guverinoma y’imyaka irindwi, NTS1, iteganya ko byibura buri mwaka, mu gihugu hagomba guhangwa imirimo mishya 214.000.

Kalisa Evariste



Ba uwambere gutanga igitekerezo

Tanga igitekerezo:



RSS FEED

U Rwanda na Georgia byemeranyije ubufatanye mu bya politiki na diplomasi

Hashyizweho uburyo bwo kwireba no kwiyimura kuri lisiti y’itora hakoreshej

FERWAFA yanyuzwe n'umusaruro w'Amavubi mu mezi ane ashize

RHA yahumurije abubakishije amakaro yo mu bwogero ku nkuta z’inzu z’

Gakenke: Imirimo yo kubaka Umudugudu w’Icyitegererezo uzatuzwamo abahoze m

Karongi: Inzobere z’abaganga ba RDF zatangiye kuvura abaturage ku buntu

Abamotari batakambye ku biciro by’ubwishingizi birushaho gutumbagira

Rubavu: Abarokotse Jenoside baravuga ko ubuvuzi bahawe na Leta bwatumye bagarura