AGEZWEHO

  • Ambasaderi Rutabana yagaragaje uko u Rwanda rwaharaniye ubudaheranwa nyuma ya Jenoside – Soma inkuru...
  • Ni igikorwa kigayitse ku Bufaransa- Amb. Anfré avuga ku bakozi babo bishwe muri Jenoside – Soma inkuru...

Miss Nishimwe Naomie yatangaje igihe azakorera ubukwe

Yanditswe Feb, 17 2024 19:49 PM | 76,655 Views



Miss Rwanda 2020, Nishimwe Naomie, yatangaje ko ubukwe bwe na Michael Tesfay bamaze imyaka ibiri bakundana buzaba mu Kuboza 2024.

Yabitangarije kuri Radio Rwanda ku mugoroba wo kuri uyu wa Gatandatu, tariki ya 17 Gashyantare 2024 ubwo yari yatumiwe mu makuru ya nimugoroba.

Miss Nishimwe Naomie yavuze ko ubwo yambikwaga impeta na Michael Tesfay, yananiwe kubyakira.

Ati "N’ubu sindabyumva, hari igihe umuntu aba atekereza ikintu akavuga ati nikimbaho sinzakibagirwa. Ibyiyumviro ugira sinzi uko nabisobanura. Igihe yambajije niba nemera kuba umugore we, ni yo magambo numvise.''

Tesfaye yambitse umukunzi we impeta mu ijoro ryo ku wa 1 Mutarama 2024.

Miss Nishimwe Naomie ati “Narabikekaga [kwambikwa impeta] ko bishobora kuba kuri Noheli, birarenga kuko yari yarahuye n’umubyeyi wanjye.’’

Yavuze ko nyuma yo kwambikwa impeta ubu bitegura kurushinga mu Kuboza uyu mwaka. Ati “Itariki nzayibamenyesha.’’

Miss Nishimwe Naomie yavuze ko umukunzi we yihariye, amugereranyije n’abandi.

Ati “Michael Tesfaye ni umuhungu ufite ikinyabupfura, ucisha make, utameze nk’abandi bose. Ni umuhungu ukunda Imana, unkunda kandi nanjye nkunda.’’

Kugeza ubu Tesfaye n’umukunzi we ntibaratangaza aho bazatura kuko bizagenwa n’aho bazaba bakorera.

Miss Nishimwe Naomie ari gukorana n’umukunzi we mu kubaka ikoranabuhanga rizajya rifasha abafite ibibazo by’ubuzima bwo mu mutwe kubona ubuvuzi bwihuse kandi buhendutse.

Inkuru y’urukundo rw’aba bombi yatangiye kumvikana mu itangazamakuru kuva muri Mata 2022 ndetse Miss Nishimwe Naomie na Michael Tesfay bahora bahamiriza mu ruhame urukundo bafitanye.




Ba uwambere gutanga igitekerezo

Tanga igitekerezo:



RSS FEED

U Rwanda na Georgia byemeranyije ubufatanye mu bya politiki na diplomasi

Hashyizweho uburyo bwo kwireba no kwiyimura kuri lisiti y’itora hakoreshej

FERWAFA yanyuzwe n'umusaruro w'Amavubi mu mezi ane ashize

RHA yahumurije abubakishije amakaro yo mu bwogero ku nkuta z’inzu z’

Gakenke: Imirimo yo kubaka Umudugudu w’Icyitegererezo uzatuzwamo abahoze m

Karongi: Inzobere z’abaganga ba RDF zatangiye kuvura abaturage ku buntu

Abamotari batakambye ku biciro by’ubwishingizi birushaho gutumbagira

Rubavu: Abarokotse Jenoside baravuga ko ubuvuzi bahawe na Leta bwatumye bagarura