AGEZWEHO

  • Ambasaderi Rutabana yagaragaje uko u Rwanda rwaharaniye ubudaheranwa nyuma ya Jenoside – Soma inkuru...
  • Ni igikorwa kigayitse ku Bufaransa- Amb. Anfré avuga ku bakozi babo bishwe muri Jenoside – Soma inkuru...

U Rwanda rwemeje burundu amasezerano akumira uburobyi bwa magendu

Yanditswe Feb, 26 2024 13:34 PM | 28,962 Views



Minisitiri w’Ubucuruzi n’Inganda, Dr Jean Chrysostome Ngabitsinze, yashyikirije Umuyobozi Mukuru w’Umuryango Mpuzamahanga wita ku Bucuruzi, WTO, Ngozi Okonjo-Iweala, inyandiko yemeza burundu amasezerano agamije guteza imbere uburobyi no kurwanya ibikorwa bitemewe muri uwo mwuga.

Iyi nyandiko, Minisitiri Dr Jean Chrysostome Ngabitsinze, yayitanze kuri uyu wa Mbere, tariki ya 26 Gashyantare 2024, mu nama ya 13 ihuza abaminisitiri baturuka mu bihugu binyamuryango, iri kubera i Abu Dhabi muri Leta Zunze Ubumwe z’Abarabu.

U Rwanda rwiyongereye ku bihugu birenga 70 byamaze gushyira umukono ku masezerano mashya agamije guteza imbere uburobyi.

Intambwe u Rwanda rwateye ni igihamya ko rwiteguye gukomeza kwerekana umuhate warwo mu cyerekezo cyo gukora uburobyi bugendanye n’igihe no guhangana n’ubukorwa binyuranye n’amategeko cyangwa bwa magendu.

U Rwanda rwemeye kuba kimwe mu bihugu bihuriye ku masezerano ya WTO y’i Marrakesh muri Maroc mu 1996 ashyiraho ibibujijwe n’amabwiriza akurikizwa hagamijwe ko inkunga leta zitanga mu bikorwa byo mu burobyi bidahungabanya ibikomoka mu nyanja. Yashyiriweho guhagarika inkunga zibarirwa mu asaga miliyari 22$ zitangwa ku burobyi bw’amafi butemewe n’amategeko muri Afurika.

Muri Gahunda y’Igihugu ya Kane yo kuvugurura Ubuhinzi (PASTA4) ya 2018-24, Leta yiyemeje gushyira imbaraga mu bushakashatsi ku iterambere ku burobyi n’ubworozi bw’amafi buzibanda mu guteza imbere ibikoresho amafi yororokeramo, harimo kubona amoko atandukanye y’amafi n’uburyo bwo kuyabangurira.

U Rwanda rufite intego y’uko mu 2024 ruzasarura toni ibihumbi 112 z’amafi. Imibare ya Minisiteri y’Ubuhinzi n’Ubworozi yo mu 2022, yerekanye ko umusaruro w’amafi wiyongereye uva kuri toni 41.664 ugera kuri 43.560.




Ba uwambere gutanga igitekerezo

Tanga igitekerezo:



RSS FEED

U Rwanda na Georgia byemeranyije ubufatanye mu bya politiki na diplomasi

Hashyizweho uburyo bwo kwireba no kwiyimura kuri lisiti y’itora hakoreshej

FERWAFA yanyuzwe n'umusaruro w'Amavubi mu mezi ane ashize

RHA yahumurije abubakishije amakaro yo mu bwogero ku nkuta z’inzu z’

Gakenke: Imirimo yo kubaka Umudugudu w’Icyitegererezo uzatuzwamo abahoze m

Karongi: Inzobere z’abaganga ba RDF zatangiye kuvura abaturage ku buntu

Abamotari batakambye ku biciro by’ubwishingizi birushaho gutumbagira

Rubavu: Abarokotse Jenoside baravuga ko ubuvuzi bahawe na Leta bwatumye bagarura