AGEZWEHO

  • Ambasaderi Rutabana yagaragaje uko u Rwanda rwaharaniye ubudaheranwa nyuma ya Jenoside – Soma inkuru...
  • Ni igikorwa kigayitse ku Bufaransa- Amb. Anfré avuga ku bakozi babo bishwe muri Jenoside – Soma inkuru...

Ubushinjacyaha bwasabye ko abakorewe ibyaha na Twahirwa na Basabose bahabwa ubutabera

Yanditswe Dec, 05 2023 20:47 PM | 145,376 Views



Mu rubanza rwa Seraphin Twahirwa na Pierre Basabose rukomeje kubera I Bruxelles mu gihugu cy’u Bubiligi, kuri uyu wa kabiri, ubushinjacyaha ndetse n’uruhande rwunganira abaregera indishyi bagaragaje ko ibyaha Twahirwa na Basabose bakoze bibahama, bityo basaba ko abo byagizeho ingaruka bahabwa ubutabera.

Mu gihe cy’amasaha arenga 6 ubushinjacyaha ari nabwo bwabimburiye ibindi byiciro birimo uruhande rwunganira abaregwa ndetse n’abunganira abaregera indishyi, bwavuze ko ibyaha Seraphin Twahirwa na Pierre Basabose bakurikiranyweho bibahama, bityo busaba itsinda ry’inyangamugayo rizafata umwanzuro kuri uru rubanza kuzafata icyemezo gikwiye.

Mu byaha aba bombi bakurikiranyweho harimo kugira uruhare muri Jenoside yakorewe Abatutsi ndetse n’ibindi byaha by’intambara birimo gufata abagore ku ngufu.

Umushinjacyaha yasobanuye uburyo aba bombi bagize uruhare mu gutoranya abagombaga kujya mu Nterahamwe, gukwirakwiza intwaro mu Nterahamwe, gufatanya nazo mu bikorwa byo kwica Abatutsi, gutera inkunga Interahamwe haba mu buryo bw’amafaranga ndetse n’ibindi bikoresho ndetse gushyiraho za bariyeri.

Amazina y’Abatutsi benshi Twahirwa yagiye yica ku giti cye, akabica abarashe nayo yasomwe mu Rukiko.

Kuri Twahirwa hiyongeraho kandi icyaha cyo gufata abagore ku ngufu ndetse no gushishikariza interahamwe gufata abagore ku ngufu.

Umushinjacyaha yavuze ko Pierre Basabose aza ku mwanya wa 2 mu bantu bari bafashe imigabane myinshi muri Radio RTLM, yagize uruhare rukomeye mu kubiba urwango ndetse no gushishikariza abahutu kwica abatutsi, aho yatanzemo ibihumbi 600 by’amafaranga y’u Rwanda utabariyemo imigabane yafatiye abana be.

Ibyaha byakozwe n’abaregwa ngo byagize ingaruka zikomeye ku babikorewe zirimo imiryango yazimye burundu, abasigaye ari impfubyi, abandujwe indwara zikomeye ndetse n’abafite ubumuga bukomeye bakomora ku byo bakorewe.


Carine Umutoni




Ba uwambere gutanga igitekerezo

Tanga igitekerezo:



RSS FEED

U Rwanda na Georgia byemeranyije ubufatanye mu bya politiki na diplomasi

Hashyizweho uburyo bwo kwireba no kwiyimura kuri lisiti y’itora hakoreshej

FERWAFA yanyuzwe n'umusaruro w'Amavubi mu mezi ane ashize

RHA yahumurije abubakishije amakaro yo mu bwogero ku nkuta z’inzu z’

Gakenke: Imirimo yo kubaka Umudugudu w’Icyitegererezo uzatuzwamo abahoze m

Karongi: Inzobere z’abaganga ba RDF zatangiye kuvura abaturage ku buntu

Abamotari batakambye ku biciro by’ubwishingizi birushaho gutumbagira

Rubavu: Abarokotse Jenoside baravuga ko ubuvuzi bahawe na Leta bwatumye bagarura