AGEZWEHO

  • Ambasaderi Rutabana yagaragaje uko u Rwanda rwaharaniye ubudaheranwa nyuma ya Jenoside – Soma inkuru...
  • Ni igikorwa kigayitse ku Bufaransa- Amb. Anfré avuga ku bakozi babo bishwe muri Jenoside – Soma inkuru...

Umugaba Mukuru w’Ingabo za Algeria yasuye Urwibutso rwa Jenoside rwa Kigali

Yanditswe Feb, 20 2024 09:46 AM | 197,973 Views



Umugaba Mukuru w’Ingabo za Algeria, Army General Saïd Chanegriha, uri mu Rwanda mu ruzinduko rw’akazi, yasuye Urwibutso rwa Jenoside rwa Kigali ruherereye ku Gisozi, yunamira inzirakarengane ziharuhukiye.

Army General Saïd Chanegriha yageze mu Rwanda ku mugoroba wo ku wa Mbere, tariki ya 19 Gashyantare 2024.

Mu gitondo cyo kuri uyu wa Kabiri, Army General Saïd Chanegriha n’itsinda ryamuherekeje mu Rwanda basuye Urwibutso rwa Jenoside rwa Kigali ku Gisozi.

Akigera ku Gisozi, Army General Saïd Chanegriha, yakiriwe n’Umuyobozi Mukuru w’Imibanire n’Amahanga mu bya Gisirikare, Brig. Gen Patrick Karuretwa.

Army General Saïd Chanegriha yasobanuriwe amateka yaranze u Rwanda by’umwihariko ay’itegurwa n’ishyirwa mu bikorwa rya Jenoside yakorewe Abatutsi mu 1994 ndetse n’imbaraga igihugu cyakoresheje mu kongera kwiyubaka.

Army General Saïd Chanegriha yunamiye inzirakarengane za Jenoside ndetse anashyira indabo ku mva ziruhukiyemo imibiri y’abasaga 250.000.

Biteganyijwe ko Army General Saïd Chanegriha aza gusura Ingoro y'Urugamba rwo guhagarika Jenoside nyuma kugirana ibiganiro n’ubuyobozi bw’Ingabo z’u Rwanda ku Cyicaro Gikuru kiri ku Kimihurura.

Muri Nzeri 2022, Gen Jean Bosco Kazura wari Umugaba Mukuru w’Ingabo z’u Rwanda, yagiriye uruzinduko rw’iminsi itatu muri Algeria aho we na mugenzi we Chengriha bagiranye ibiganiro bigamije kubaka imikoranire hagati y’ibisirikare by’impande zombi.

Olive Ntete



Ba uwambere gutanga igitekerezo

Tanga igitekerezo:



RSS FEED

U Rwanda na Georgia byemeranyije ubufatanye mu bya politiki na diplomasi

Hashyizweho uburyo bwo kwireba no kwiyimura kuri lisiti y’itora hakoreshej

FERWAFA yanyuzwe n'umusaruro w'Amavubi mu mezi ane ashize

RHA yahumurije abubakishije amakaro yo mu bwogero ku nkuta z’inzu z’

Gakenke: Imirimo yo kubaka Umudugudu w’Icyitegererezo uzatuzwamo abahoze m

Karongi: Inzobere z’abaganga ba RDF zatangiye kuvura abaturage ku buntu

Abamotari batakambye ku biciro by’ubwishingizi birushaho gutumbagira

Rubavu: Abarokotse Jenoside baravuga ko ubuvuzi bahawe na Leta bwatumye bagarura